தமிழ்நாடு வேளாண் பல்கலைக்கழகத்தில் மாணவர் சேர்க்கை துவக்கம்





தமிழ்நாடு வேளாண் பல்கலைக்கழகத்தில் மாணவர் சேர்க்கை துவக்கம்


தமிழ்நாடு வேளாண்மை பல்கலைக்கழகத்தில் இளங்கலை பட்டப்படிப்புகளுக்கு மாணவர் சேர்க்கைக்கான இணையதளத்தை பல்கலைக்கழக துணைவேந்தர் குமார் இன்று துவக்கி வைத்தார்.

தமிழ்நாடு வேளாண்மைப் பல்கலைக்கழக இளநிலை 2020-2021ஆம் ஆண்டுக்கான மாணவர் சேர்க்கை தமிழ்நாடு வேளாண்மைப் பல்கலைக்கழத்தின் கீழ் இயங்கிவரும் 14 உறுப்புக் கல்லூரிகள் மற்றும் 28 இணைப்புக் கல்லூரிகளில் பயிற்றுவிக்கப்படும் 10 இளங்கலை பட்டப்படிப்புகளுக்கான மாணவர் சேர்க்கையை தமிழ்நாடு வேளாண்மைப் பல்கலைக்கழகத்தின் துணைவேந்தர் குமார் இணையதளம் வாயிலாக இன்று துவக்கிவைத்தார்.

அதன்படி, இளங்கலை பாடப்பிரிவுகளான, இளமறிவியல் (மேதமை) வேளாண்மை, இளமறிவியல் (மேதமை) தோட்டக்கலை, இளமறிவியல் (மேதமை) வனவியல், இளமறிவியல் (மேதமை) உணவு, ஊட்டச்சத்து மற்றும் உணவு முறையியல், இளம் தொழில்நுட்பம் (வேளாண் பொறியியல்), இளமறிவியல் (மேதமை) பட்டுவளர்ப்பு, இளம் தொழில் நுட்பம் (உணவு தொழில் நுட்பம்), இளம் தொழில்நுட்பம் (உயிரித் தொழில்நுட்பம்), இளம் தொழில்நுட்பம் (ஆற்றல் மற்றும் சுற்றுச் சூழல் பொறியியல்) மற்றும் இளமறிவியல் (வேளாண் வணிக மேலாண்மை) ஆகியவற்றிற்கான மாணவர் சேர்க்கை துவங்கியுள்ளது.

விண்ணப்பதாரர்கள் தங்கள் விண்ணப்பத்திற்கு தேவையான விபரங்கள் மற்றும் விண்ணப்பக் கட்டணத்தை www.tnauonline.in என்ற இணையதளம் வாயிலாக பதிவேற்றம் செய்யலாம். மாணவர் சேர்க்கைகுறித்த இதர விபரங்களை www.tnau.ac.in என்ற இணையதளத்தில் அறிந்துகொள்ளலாம் எனவும் தெரிவிக்கப்பட்டுள்ளது. அத்துடன், மாணவர்களின் வசதிக்காக பட்டப்படிப்பு மற்றும் பட்டயப்படிப்பிற்கான தகவல் கையேடு இந்த ஆண்டு முதல் தமிழில் மொழிபெயர்ப்பு செய்யப்பட்டு வெளியிடப்பட்டுள்ளது.

மேலும் தகவல்களுக்கு 0422-6611322, 0422-6611328, 0422-6611345, 0422-6611346 ஆகிய தொலைபேசி உதவிச் சேவை எண்களை அனைத்து வேலை நாட்களிலும் காலை 9 மணி முதல் மாலை 5 மணி வரை தொடர்பு கொள்ளலாம். விண்ணப்பதாரர்கள் அரசு கணினி சேவை மையங்களை தொடர்பு கொண்டும், இணைய தளவாயிலாகவும் விண்ணப்பங்களை சமர்ப்பிக்கலாம். பூர்த்திசெய்யப்பட்ட விண்ணப்பங்களை சமர்ப்பிப்பதற்கான கடைசி நாள் 17.09.2020 மற்றும் தரவரிசைப்பட்டியல் 29.09.2020 அன்று வெளியிடப்படும் என்று வேளாண் பல்கலைக்கழகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.



Check Related Post:



0/Post a Comment/Comments

Previous Post Next Post