அண்ணா பல்கலைக்கழக சிவில் பொறியியல் திட்டப் பணிகள் 2026: நவம்பர் 23 கடைசி நாள்
- கல்வித் தகுதி
- Civil Engineering இளங்கலை; Senior பதவிக்கு 4 ஆண்டு R&D அனுபவம் அல்லது Engineering/Technology PhD
- பணியிடம்
- சென்னை, கிண்டி
- கடைசி தேதி
- 23.11.2026
விண்ணப்பிக்கும் முன் முழுத் தகுதி மற்றும் அதிகாரப்பூர்வ அறிவிப்பைப் படிக்கவும்.
இந்தப் பதிவில்
அண்ணா பல்கலைக்கழகத்தின் கிண்டி பொறியியல் கல்லூரி சிவில் பொறியியல் துறையில், நகரப் பேருந்து வழித்தடங்களை மேம்படுத்தும் DST ஆராய்ச்சித் திட்டத்துக்கு இரண்டு தற்காலிகப் பணியிடங்கள் உள்ளன. பூர்த்தி செய்த விண்ணப்பம் 23 நவம்பர் 2026 மாலை 5 மணிக்குள் துறைக்குச் சென்றடைய வேண்டும். விண்ணப்பத்தின் ஸ்கேன் நகலையும் மின்னஞ்சலில் அனுப்ப வேண்டும்.
பதவி வாரியான தகுதி, வயது மற்றும் ஊதியம்
| பதவி | இடம் | அடிப்படைத் தகுதி | வயது வரம்பு | மாத ஊதியம் |
|---|---|---|---|---|
| Senior Project Associate I | 1 | Civil Engineering இளங்கலை அல்லது அதற்கு இணையான தகுதி + 4 ஆண்டு ஆராய்ச்சி மற்றும் மேம்பாட்டு அனுபவம். மாற்றுத் தகுதியாக Engineering/Technology முனைவர் பட்டம். | 40 | ₹54,600 (₹42,000 + 30% HRA) |
| Project Associate I | 1 | Civil Engineering இளங்கலை அல்லது அதற்கு இணையான தகுதி | 35 | ₹40,300 அல்லது ₹32,500, பொருந்தும் தேசியத் தேர்வுத் தகுதியைப் பொறுத்து |
பணியிடம் கிண்டி பொறியியல் கல்லூரி வளாகம், அண்ணா பல்கலைக்கழகம், சென்னை. இரண்டு பணிகளுக்கும் அறிவிப்பில் குறிப்பிடப்பட்ட திட்டக் காலம் நியமன நாளிலிருந்து 21 டிசம்பர் 2027 வரை. ஆண்டுதோறும் தொடர்வது பணித்திறனையும் திட்ட நிதியையும் பொறுத்தது.
கூடுதல் தகுதி மற்றும் தேர்வு
போக்குவரத்துப் பொறியியல் அல்லது போக்குவரத்துத் திட்டமிடல் முதுகலை விரும்பத்தக்கது. Senior பதவியின் முனைவர் பட்டப் பிரிவில் போக்குவரத்து சார்ந்த துறைக்கு முன்னுரிமை. Project Associate I பதவிக்கு GATE தேர்ச்சி பெற்றவர்களுக்கு முன்னுரிமை. அறிவிப்பில் பட்டியலிட்ட CSIR–UGC NET, GATE அல்லது மத்திய அரசு அமைப்புகளின் தகுந்த தேசிய அளவிலான தேர்வு வழியாகத் தேர்ந்தெடுக்கப்படுபவர்களுக்கு ₹40,300. மற்றவர்களுக்கு ₹32,500. இரண்டிலும் 30% HRA சேர்க்கப்பட்டுள்ளது.
தகுதியுள்ளவர்களுக்கு நேரடி நேர்முகத் தேர்வு நடைபெறும். நாள் மற்றும் நேரம் மின்னஞ்சலில் தெரிவிக்கப்படும். அசல் சான்றிதழ்களை நேர்முகத் தேர்வுக்கு எடுத்துச் செல்ல வேண்டும். பயணப்படி மற்றும் தினப்படி கிடையாது. விண்ணப்பக் கட்டணம், வயதுக் கணக்கீட்டுத் தேதி, பிரிவுவாரி வயதுத் தளர்வு ஆகியவற்றை இரண்டு அறிவிப்புகளும் குறிப்பிடவில்லை.
விண்ணப்பிக்கும் முறை
- விண்ணப்பிக்கும் பதவிக்கான PDF-இல் உள்ள Annexure I படிவத்தைப் பயன்படுத்தவும். புதுப்பித்த சுயவிவரம், கல்வி மற்றும் அனுபவச் சான்றுகளின் சுயசான்றொப்பமிட்ட நகல்களை இணைக்கவும்.
- பூர்த்தி செய்த விண்ணப்பத்தை Dr. S. M. P. Siddharth, Assistant Professor, Department of Civil Engineering, CEG Campus, Anna University, Chennai – 600025 என்ற முகவரிக்கு 23 நவம்பர் 2026 மாலை 5 மணிக்குள் அனுப்பவும். பதவிக்கு ஏற்ப அஞ்சல் உறையில் “Application for Senior Project Associate I under DST project grant” அல்லது “Application for Project Associate I under DST project grant” எனக் குறிப்பிடவும்.
- விண்ணப்பத்தின் ஸ்கேன் நகலை siddharthsmp@gmail.com முகவரிக்கு அனுப்பவும். பொருள் வரியில் “Application for the Post of Senior Project Associate I” அல்லது “Application for the Post of Project Associate I” எனப் பதவிக்கு ஏற்ப குறிப்பிடவும்.
Senior Project Associate I அறிவிப்பு மற்றும் படிவம் (PDF)
Project Associate I அறிவிப்பு மற்றும் படிவம் (PDF)
அண்ணா பல்கலைக்கழக அதிகாரப்பூர்வ வேலைவாய்ப்புப் பட்டியல்
தொடர்புடைய பதிவுகள்
முக்கிய இணைப்புகள்
முழு விவரங்கள் மற்றும் திருத்தங்களுக்கு அதிகாரப்பூர்வ அறிவிப்பைப் பார்க்கவும்.
