பா்கூா் கூட்டுறவு மேலாண்மை நிலையத்தில் 2025-26-ஆம் ஆண்டுக்கான பகுதிநேர நகை மதிப்பீடு பயிற்சிக்கு விண்ணப்பங்கள் வரவேற்கப்படுவதாக கூட்டுறவு இணைப் பதிவாளா் கோ.நடராஜன் தெரிவித்துள்ளாா்.
இதுகுறித்து, அவா் செவ்வாய்க்கிழமை வெளியிட்ட செய்திக் குறிப்பு: கிருஷ்ணகிரி மாவட்டம், பா்கூரில் இயங்கி வரும் பா்கூா் கூட்டுறவு மேலாண்மை நிலையத்தில் (பா்கூா் கூட்டுறவு தொழில் பயிற்சி நிலைய வளாகம்) 2025-2026-ஆம் ஆண்டுக்கான பகுதிநேர நகை மதிப்பீடும் அதன் நுட்பங்களுக்கான பயிற்சி பெற ஏப். 13-ஆம் தேதி வரை பயிற்சி நிலையத்தில் விண்ணப்பிக்கலாம்.
இந்த பயிற்சி 40 மணி நேர வகுப்பறை பயிற்சி, 60 மணி நேர செயல்முறை பயிற்சி என மொத்தம் 100 மணி நேர பயிற்சியாகும். 10-ஆம் வகுப்பு தோ்ச்சி பெற்றவா்கள், இந்தப் பயிற்சியில் சோ்ந்து, விண்ணப்பிக்கலாம். பயிற்சி கட்டணம் ரூ. 4,550 மட்டுமே. பயிற்சி ஏப்.15-ஆம் தேதி தொடங்குகிறது. திங்கள்கிழமை முதல் வெள்ளிக்கிழமை வரை 17 நாள்கள் ஒரு பிரிவாகவும், சனிக்கிழமை, ஞாயிற்றுக் கிழமை என 17 நாள்கள் என மற்றொரு பிரிவாகவும் பயிற்சி வகுப்பு நடைபெறும்.
இந்தப் பயிற்சியில் நகைக் கடன், வட்டி கணக்கிடுதல், ஹால்மாா்க் தர முத்திரை, நகை அடகு பிடிப்போா் சட்டம்-1943, தரம், விலை மதிப்பீடு, நகை மதிப்பீட்டாளரின் கடமைகள் பொறுப்புகள், தேசிய மயமாக்கப்பட்ட வங்கி, கூட்டுறவு வங்கிகளில் கடன் வழங்கும் முறைகள், பிஐஎஸ் செயலி மூலம் தினசரி நகையின் விலை அறிதல் போன்ற பயிற்சிகள் அளிக்கப்படும்.
இந்தப் பயிற்சியை நிறைவு செய்தவா்கள், வேலைவாய்ப்பு அலுவலகத்தில் பதிவுசெய்து கொள்ளலாம். கூட்டுறவு வங்கிகள், கூட்டுறவு சங்கங்கள், அனைத்து நகைக்கடன் வழங்கும் தேசியமயமாக்கப்பட்ட வங்கிகள், நகைக் கடன் வழங்கும் தனியாா் வங்கிகள், நிறுவனங்கள் ஆகியவற்றில் பணியாற்ற வாய்ப்புகள் உள்ளன.
மேலும் விவரங்களுக்கு பா்கூா் வட்டார வளா்ச்சி அலுவலகம் அருகில் செயல்படும் கூட்டுறவு மேலாண்மை நிலையத்தை நேரிலோ அல்லது 04343-265652 என்ற தொலைபேசி எண்ணிலோ தொடா்பு கொள்ளலாம் என அதில் தெரிவித்துள்ளாா்.
எங்கள் வாட்ஸ்அப் மற்றும் டெலிகிராம் குழுக்களில் சேரவும்
🔔 For more updates & free PDFs, join or follow us below 👇
💬 Join WhatsApp 📢 Join Telegram 📸 Follow Instagram ⭐ Add on Google
