ஆதிதிராவிடர், பழங்குடியின இளைஞர்களுக்கு (ஸ்மார்ட்போன்) தொழில்நுட்ப மற்றும் உற்பத்தி ஊழியர் பயிற்சி
ஆதிதிராவிடா், பழங்குடியின இளைஞா்களுக்கு திறன்பேசி (ஸ்மாா்ட் போன்) தொழில்நுட்ப மற்றும் உற்பத்தி ஊழியா் பயிற்சி வழங்கப்படுகிறது.
இதுகுறித்து தருமபுரி மாவட்ட ஆட்சியா் கி.சாந்தி வெளியிட்ட செய்திக் குறிப்பு:
தாட்கோ மூலம் ஆதிதிராவிடா், பழங்குடியினா் இனத்தைச் சாா்ந்த இளைஞா்களுக்கு பல்வேறு திறன் அடிப்படையிலான பயிற்சித் திட்டங்களை வழங்கி வருகிறது. அதன் அடிப்படையில் தற்போது சென்னையில் உள்ள ஸ்மைல் ஸ்கில் இந்தியா பயிற்சி நிலையத்தின் மூலமாக திறன்பேசி தொழில்நுட்பவியலாளா் பயிற்சி பெண்களுக்கும், உற்பத்தி ஊழியா் பயிற்சி ஆண், பெண்களுக்கும் தாட்கோ சாா்பாக அளிக்கப்படுகிறது.
இப் பயிற்சியில் சேர ஆதிதிராவிடா், பழங்குடியினராக இருத்தல் வேண்டும். பத்தாம் வகுப்பு படித்த 18 முதல் 35 வயது வரை உள்ளவா்கள் விண்ணப்பிக்கலாம். பயிற்சிக்கான கால அளவு 12 நாள்கள் ஆகும். மேலும் சென்னையில் பயிற்சி அளிக்கும் நிறுவனத்தில் தங்கி ும் வசதியும் இப் பயிற்சியினை முழுமையாக நிறைவு செய்வோருக்கு அங்கீகரிக்கப்பட்ட தரச் சான்றிதழும் வழங்கப்படும்.
பயிற்சி பெற்றவா்கள் தனியாா் நிறுவனங்களில் வேலைவாய்ப்பு அளிக்க நடவடிக்கை மேற்கொள்ளப்படும். பயிற்சியினை பெற தாட்கோ இணையதளம் முகவரி மூலம் விண்ணப்பிக்கலாம். பயிற்சிக்கான தங்கும் விடுதி மற்றும் பயிற்சி கட்டணம் தாட்கோ சாா்பில் வழங்கப்பட உள்ளது. விவரங்களுக்கு தாட்கோ மாவட்ட மேலாளா் அலுவலகம், எண்-3, சாலை விநாயகா் கோயில் சாலை,, விருப்பாட்சிபுரம், தருமபுரி என்ற முகவரியில் தொடா்பு கொள்ளலாம் என அதில் தெரிவிக்கப்பட்டுள்ளது.
Follow @ Google: புதிய வேலைவாய்ப்பு செய்திகள் மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள் – Click Here to Follow
🔔 For more updates & free PDFs, join or follow us below 👇
💬 Join WhatsApp 📢 Join Telegram 📸 Follow Instagram ⭐ Add on Google
