இன்றைய டிஜிட்டல் உலகத்தில் ஆன்லைன் ஷாப்பிங் என்பது தவிர்க்க முடியாத ஒன்றாகிவிட்டது. சிறிய ஊசி முதல் டிவி, சோஃபா, ஃபிரிட்ஜ், உடைகள், காலனிகள் வரை எல்லாவற்றையும் உட்கார்ந்த இடத்தில் இருந்து எளிதாக ஆன்லைனில் வாங்குகிறோம்.
சிறிய பொருட்கள் என்றால் உறைகளில் பேக்கேஜ் செய்யப்பட்டு நம்மிடம் வருகின்றன. ஆனால் பெரிய பொருட்களை நல்ல உறுதியான அட்டைப் பெட்டிகளில் அடைத்து பாதுகாப்பான முறையில் அனுப்பப்படுகின்றன. இதன் காரணமாக அட்டைப் பெட்டிகளுக்கான தேவை அதிகமாகியுள்ளது. இது தற்போது லாபகரமான தொழிலாகவும் மாறியுள்ளது.
இன்றைய காலத்தில் அட்டைப் பெட்டிகளுக்கான தேவை முன் எப்போதையும் விட அதிகமாக உள்ளது. ஆனால் இதன் விநியோகம் என்னவோ குறைவாகவே இருக்கிறது. தொழில்முனைவோருக்கு இதுவொரு சிறந்த வாய்ப்பாகும். உங்களிடம் நல்ல மார்கெடிங் திறமையும், கடுமையான உழைப்பும், அர்ப்பணிப்பும் இருந்தால், இந்த தொழிலில் கிடைக்கும் முழு பலனையும் நீங்கள் அறுவடை செய்யலாம். சிறிய கிஃப்ட் பொருளாக இருந்தாலும், பெரிய டிவியாக இருந்தாலும், அனைத்துமே அட்டைப் பெட்டிகளை வைத்தே பேக்கேஜிங் செய்யப்படுகின்றன. ஆகவே இதன் தேவை ஒருபோதும் குறையாது. ஆன்லைன் ஷாப்பிங் இந்தியாவில் வளர்ந்து வரும் நிலையில், அட்டைப் பெட்டி தயாரிக்கும் தொழில் நிச்சியம் லாபகரமாக இருக்கும்.
📚 4500+ PDF Files Updated in Our Premium Group – Join Now to Download Directly 💎
TNPSC, TRB, TET, SSC, RAILWAY – All Exam Notes & PDFs in One Place
⚡ குறிப்பு: PDF பதிவிறக்கம் ஆகவில்லை என்றால்
VPN அல்லது மற்றொரு நெட்வொர்க் முயற்சி செய்யுங்கள். நன்றி 🙏
எந்தவொரு தொழிலை தொடங்குவதற்கு முன்னும், அது குறித்த முழுமையான புரிதல் இருப்பது மிகவும் முக்கியமான ஒன்று. இதனை எப்படி உற்பத்தி செய்வது, இதற்கு தேவைப்படும் உபகரணங்கள், கருவிகள் பற்றியெல்லாம் உங்களுக்கு அக்குவேறு ஆணிவேறாக தெரிந்திருக்க வேண்டும். இன்று தொழிலில் உள்ள நெளிவு சுளிவுகளை கற்றுக் கொடுக்க பல பயிற்சி மையங்கள் உள்ளன. ஆகவே தொழிலை தொடங்குவதற்கு முன் அதற்குண்டான பயிற்சியை முதலில் பெறுங்கள்.
ஒரு தொழிலை தொடங்குவதற்கு முன் அதனுடைய சந்தை மதிப்பு, எந்தளவிற்கு உள்ளது, சந்தையில் அதன் தேவைப்பாடு எப்படி இருக்கிறது போன்ற விஷயங்களை தெரிந்துகொள்ள வேண்டும். அதற்கு முதலில் மார்கெட் குறித்து நன்றாக அய்வு செய்யுங்கள். அடுத்ததாக அட்டைப் பெட்டிகள் எந்த அளவில் எல்லாம் இருக்கின்றன, எந்த வகையான அட்டைபெட்டிகள் அதிகமாக தேவைப்படுகின்றன என்பதை தெரிந்து கொண்டு, அதை தயாரிப்பதில் மும்முரம் காட்டுங்கள்.
இடம் மற்றும் பதிவு செய்தல்:
அட்டைப் பெட்டி தயாரிக்கும் தொழிலுக்கு தோராயமாக 5,500 சதுர அடி இடம் தேவைப்படும். கட்டிடம், தயாரிப்பு, பேக்கேஜிங் போன்ற அனைத்தும் இந்த இடத்திற்குள் தான் இருக்கப் போகிறது. தொழிலை தொடங்குவதற்கு முன், நாம் என்ன மாதிரியான தொழிலை செய்யப் போகிறோம், அது தயாரிப்பு சம்மந்தமானதா அல்லது சேவை சம்மந்தப்பட்டதா என்பதை விளக்கி, சிறு, குறு, நடுத்தர தொழில் அமைச்சகத்திடம் இருந்து அனுமதி வாங்க வேண்டும். மேலும் பல உரிமங்களும் பதிவுகளும் வாங்க வேண்டியிருக்கும்.
முதலீடு:
உங்களிடம் ஏற்கனவே நிலம் இருந்தால், இயந்திரங்களை பொறுத்துவது, மூலப் பொருட்களை வாங்குவது மற்றும் வேறு தேவைகளுக்கு என எப்படியும் 20 முதல் 30 லட்ச ரூபாய் முதலீடாக தேவைப்படும்.
இப்போதைய சந்தை நிலவரத்தை வைத்து பார்க்கும் போது, அட்டைப் பெட்டி தொழில் தொடங்குவது நிச்சியம் லாபகரமானதாக அமையும். இருப்பினும், இந்த தொழில் குறித்த அறிவை நீங்கள் வளர்த்துக்கொள்ள வேண்டும். மேலும், தொழில் தொடங்குவதற்காக தேவைப்படும் உரிமங்கள் எல்லாவற்றையும் பெற்று, முதலீடு செய்யும் தொகையையும் தயாராக வைத்திருங்கள். வெற்றிகரமான அட்டைப்பெட்டி தொழில் வாய்ப்பை தவற விட்டுவிடாதீர்கள்.
🔔 For more updates & free PDFs, join or follow us below 👇
💬 Join WhatsApp 📢 Join Telegram 📸 Follow Instagram
