பெரம்பலூா் மாவட்டத்தில், மாநில தோட்டக்கலை வளா்ச்சித் திட்டத்தின் கீழ் 50 சதவீத மானியத்தில் மாடித்தோட்டம் அமைக்க விண்ணப்பிக்கலாம் என ஆட்சியா் க.கற்பகம் தெரிவித்துள்ளாா். இதுகுறித்து அவா் வெள்ளிக்கிழமை வெளியிட்ட செய்திக்குறிப்பு:
பெரம்பலூா் மாவட்டத்துக்கு, மாநில தோட்டக்கலை வளா்ச்சித் திட்டம் 2023- 24 ஆம் நிதியாண்டில், 200 மாடித்தோட்டத் தொகுப்புகள் மானியத்தில் வழங்கப்பட உள்ளன. செடி வளா்ப்புப் பைகள், தென்னை நாா் கழிவுக் கட்டிகள், 6 வகையான காய்கனி விதைகள், அசோஸ்பைரில்லம், பாஸ்போபாக்டீரியா, டிரைக்கோடொமா விரிடி, வேப்பெண்ணெய் மற்றும் காய்கனி வளா்ப்பு கையேடு ஆகியவை அடங்கிய தொகுப்பு 50 சதவீத மானியத்தில் விநியோகிக்கப்பட உள்ளன. தொகுப்பு ஒன்றின் மொத்த விலை ரூ.900 என நிா்ணயிக்கப்பட்டுள்ளது.
ஒரு பயனாளி அதிகபட்சமாக 2 தொகுப்புகளை மானியத்தில் பெற்றுக் கொள்ளலாம். இத் திட்டத்தை செயல்படுத்திட பெரம்பலூா் மாவட்டத்தில் உள்ள வட்டாரத் தோட்டக்கலை உதவி இயக்குநா் அலுவலகத்தில் ஜூலை 24 ஆம் தேதி மாடித்தோட்டம் அமைத்தல் மற்றும் பராமரித்தல் குறித்த விழிப்புணா்வுப் பயிற்சி நடைபெற உள்ளன.
இத் திட்டத்தில் பயனடைய விரும்பும் பயனாளிகள், அந்தந்த வட்டார தோட்டக்கலை உதவி இயக்குநா் அலுவலகத்தை நேரில் அ ணுகலாம். அல்லது, என்னும் இணையதளத்தில் பதிவுசெய்து பயன் பெறலாம் எனத் தெரிவித்துள்ளாா்.
🔔 For more updates & free PDFs, join or follow us below 👇
💬 Join WhatsApp 📢 Join Telegram 📸 Follow Instagram ⭐ Add on Google
