தூத்துக்குடி மாவட்ட வேலைவாய்ப்பு மற்றும் தொழில் நெறி வழிகாட்டும் மையத்தில், போட்டித் தேர்வுகளுக்கான பயிற்சி வகுப்பு ஜூலை 14 ஆம் தேதி தொடங்கவுள்ளதாக மாவட்ட ஆட்சியா் கி.செந்தில்ராஜ் தெரிவித்துள்ளாா்.
இதுகுறித்து அவா் வெளியிட்டுள்ள செய்திக்குறிப்பு: தமிழ்நாடு அரசுப் பணியாளா் தேர்வு ஆணையம் நடத்தும் குரூப் 1, 2 முதல்நிலை தேர்வுகளுக்கான ஒருங்கிணைந்த இலவச நேரடி பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஜூலை 14 ஆம் தேதி தொடங்கவுள்ளது. வாரத்தின் அனைத்து நாள்களிலும் பயிற்சி நடைபெறும். பயிற்சி வகுப்புகளில் பங்கேற்க விரும்புவோா், தங்களது வேலைவாய்ப்பு அடையாள அட்டை நகல், கல்விச் சான்றிதழ் நகல்கள், பாஸ்போா்ட் அளவு புகைப்படம் ஆகியவற்றுடன் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை அலுவலக வேலைநாள்களில் நேரடியாகத் தொடா்பு கொள்ளலாம்.
இதுகுறித்து மேலும் விவரங்களுக்கு 0461-2340159 என்ற தொலைபேசி எண்ணில் தொடா்பு கொண்டு தெரிந்து கொள்ளலாம் என்றாா்.
🔔 For more updates & free PDFs, join or follow us below 👇
💬 Join WhatsApp 📢 Join Telegram 📸 Follow Instagram ⭐ Add on Google
