TNPSC குரூப் 2 தேர்வுக்கு இலவசப் பயிற்சி
தமிழ்நாடு அரசுப் பணியாளா் தோ்வாணையத்தால் நடத்தப்படும் குரூப் 2, 2ஏ முதல் நிலை தோ்வுக்கு இலவச பயிற்சி வகுப்புகள் தொடங்கப்படவுள்ளன.
இதுகுறித்து, மாவட்ட ஆட்சியா் ரா. பிருந்தாதேவி தெரிவித்ததாவது: டிஎன்பிஎஸ்சி குரூப் 2, 2ஏ-இல் அடங்கிய 2,327 காலியிடங்களுக்கான தோ்வு அறிவிப்பு, கடந்த 20 ஆம் தேதி வெளியிடப்பட்டுள்ளது.
தோ்வுக்கு விண்ணப்பிப்பதற்கு அடுத்த மாதம் 19 ஆம் தேதி கடைசி நாளாகும். இத்தோ்வுக்கான இலவசப் பயிற்சி வகுப்பு சேலம், ஏற்காடு சாலை, கோரிமேடு பகுதியில் அமைந்துள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் வரும் 26 ஆம் தேதி காலை 10 மணி அளவில் தொடங்கப்படவுள்ளது.
இப் பயிற்சி வகுப்பு ஏற்கெனவே போட்டித் தோ்வுகளில் வெற்றி பெற்ற சிறந்த வல்லுநா்களைக் கொண்டு நடத்தப்பட உள்ளது. மேலும், பாடக்குறிப்புகள் இலவசமாக வழங்கப்படுவதோடு மாதிரித் தோ்வுகளும் நடத்தப்படவுள்ளன.
சென்ற ஆண்டு பல்வேறு தோ்வுகளுக்கு இந்த அலுவலகத்தில் நடத்தப்பட்ட இலவசப்பயிற்சி வகுப்பில் கலந்து கொண்டு 297 போ் அரசுப்பணியினை பெற்றுள்ளனா் என்பது குறிப்பிடத்தக்கது.
தற்போது நடத்தப்படவுள்ள குரூப் 2 அடங்கிய பணிகளுக்காக இலவசப் பயிற்சி வகுப்பில் கலந்துகொள்ள தகுதியும் விருப்பமும் உள்ள தோ்வா்கள் இரண்டு பாஸ்போா்ட் அளவு புகைப்படத்துடன் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் அணுகி முன்பதிவு செய்து கொள்ளுமாறு கேட்டுக் கொள்ளப்படுகின்றனா்.
மேலும், இப்பயிற்சி வகுப்பு குறித்தான விவரங்களைப் பெற அலுவலக வேலைநாள்களில் காலை 10 மணி முதல் மாலை 5 மணி வரை 0427–2401750 என்ற தொலைபேசி எண்ணில் தொடா்பு கொண்டு அறிந்து கொள்ளலாம்.
எனவே, சேலம் மாவட்டத்தைச் சாா்ந்த டிஎன்பிஎஸ்சி குரூப் 2 முதல்நிலை தோ்வுக்கு தயாராகும் தோ்வா்கள் இப்பயிற்சி வகுப்பில் கலந்து கொண்டு பயன்பெறுமாறு கேட்டுக்கொண்டுள்ளாா்.
உங்களிடம் உள்ள PDF Files PRINT வேண்டுமென்றாலும் தொடர்பு கொள்ளவும் (Whatsapp): +91 80720 26676 – 1 Page (50 Paise Only)
Follow @ Google: புதிய வேலைவாய்ப்பு செய்திகள் மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள் – Click Here to Follow
