எதிர்காலத்தில் ஆதிக்கம் செலுத்த போகும் 5 தொழில்நுட்பங்கள், இத கத்துக்கிட்டா ஜெயிச்சிடலாம்!





வருங்காலத்தில் ஆதிக்கம் செல்லத்தவிருக்கும் 5 தொழில்நுட்பங்கள் குறித்து இந்த தொகுப்பில் காணலாம்.

தொழில் நுட்ப வளர்ச்சி என்பது கடந்த சில ஆண்டுகளில் மிகவும் அதிகமாகி உள்ளது. இந்த துறை விரைவான முன்னேற்றத்தை அடைந்து வருகிறது. இதனால் தொழில்நுட்பம் குறித்த வேலைவாய்ப்புகள் ஒவ்வொரு துறையிலும் அதிகமாகி வருகிறது. அப்படியாக எதிர்காலத்தை மாற்ற போகும் அற்புதமான தொழில் துறைகள் குறித்து இந்த கட்டுரையில் பார்க்க போகிறோம்.


ரோபாடிக்ஸ் வளர்ச்சி (Robotics development)

தொழில்துறையில் ரோபாடிக்ஸ் தொழில்நுட்பம் அதிக வளர்ச்சியை கண்டு வருகிறது. எனவே இந்த துறையில் பொறியியல் பட்டத்தாரிகளுக்கு அதிக வாய்ப்பு உள்ளது. ஆட்டோமோட்டிவ் இஞ்சினியரிங் மற்றும் உடல்நலம் மற்றும் வேறு சில துறைகளிலும் எதிர்காலத்தில் ரோபாடிக்ஸ் முக்கிய தொழில்நுட்பமாக இருக்கபோகிறது.

கண்டன்ட் ஸ்ட்ரேட்டஜி (Content strategy)

சிஸ்கோ என்ற நிறுவனம் மேற்கொண்ட ஆய்வின்ப்படி இந்தியாவில் 2022 ஆம் ஆண்டில் ஸ்மார்ட் போன் பயன்படுத்துபவர்கள் எண்ணிக்கை இப்போது உள்ளதை விட இரண்டு மடங்கு அதிகமாகி 829 மில்லியனை எட்டும் என கூறியுள்ளது.

2017 ஆம் ஆண்டு ஸ்கை ராக்கெட் எனும் நிறுவனத்தின் ஆய்வின் படி ஒரு இந்தியன் சராசரியாக ஒரு மாதத்திற்கு 3.5 ஜி.பி இன்டர்நெட் பயன்படுத்தியுள்ளார். ஆனால் 2022 இல் அது 17.5 ஜிபியாக இருக்கும் என கணித்துள்ளது.


இணைய நுகர்வு வளர்ச்சியானது இதன் மூலம் அதிகரிக்கும். வாடிக்கையாளர்களை பெறுவதற்கும் தக்கவைத்து கொள்வதற்கு டிஜிட்டல் மார்க்கெட்டிங் முக்கிய அம்சமாக உள்ளது. வாடிக்கையாளர்களிடம் நம்பிக்கையை பெற நிறுவனங்கள் தங்களை குறித்து தொடர்ந்து இணையத்தில் எழுத வேண்டி உள்ளது.

இழப்பு தடுப்பு மேலாண்மை (Loss prevention management)

சில்லறை துறைகளில் இழப்பு தடுப்பு மேலாண்மை என்பது அதிகமாக வளர்ந்து வருகிறது. சில்லறை துறைகளில் எதிர்ப்பாராமல் நடக்கும் இழப்புகளை தடுக்கும் உக்திகளை இந்த இழப்பு தடுப்பு மேலாண்மையை சேர்ந்த மேலாளர் கவனித்து கொள்கிறார்.

பணியாளர்கள் திருட்டை கண்டறிவது, அலுவலக வசதிகள் மற்றும் உபகரண சேதங்களை கவனிப்பதும் நிதி இழப்புகளை கவனிப்பதும் சில சந்தர்ப்பங்களில் சட்ட நடவடிக்கைகளை மேற்கொள்வதும் இந்த இழப்பு தடுப்பு மேலாண்மையின் வேலையாகும்.

இயற்கை அறிவியல் மேலாண்மை (Natural sciences management)


நீங்கள் அறிவியல் துறையில் சிறந்து விளங்குபவராக இருந்தால் மேலாண்மை தொடர்பான வேலையை செய்ய ஆர்வமாக இருந்தால் இயற்கை மேலாண்மை அறிவியல் உங்களுக்கு சரியான வேலையாக இருக்கும்.

வேதியியலாளர்கள், உயிரியல், இயற்பியலாளர்கள் போன்ற விஞ்ஞானிகளை மேற்பார்வையிடுவதே இயற்கை அறிவியல் மேலாண்மை செய்பவர்களின் முக்கிய வேலையாகும். இந்த வேலைக்கு அதிக சம்பளம் வழங்கப்படுகிறது.

அங்கே அவர்களது வேலை நிறைவேற என்ன வகையாக உபகரணங்கள், பணியாளர்கள், பொருள் மற்றும் பயிற்சி அவசியம் என்பதை அறிவியல் மேலாண்மை பணியில் உள்ளவர்களே முடிவு செய்ய வேண்டும்.

பிளாக் செயின் வளர்ச்சி (Blockchain development)

பிட்காயின்கள் போன்ற க்ரிப்டோ காயின்களை பற்றி நீங்கள் கேள்விப்பட்டுள்ளீர்களா? பிட் காயின் என்பது தங்கம் வெள்ளி போலவே ஆன்லைனில் வாங்கி வைத்து கொள்ளும் காயின் ஆகும்.

இப்படிப்பட்ட பிட் காயின்கள் பின்னால் ஒரு பிளாக் செயின் தொழில் நுட்பம் உள்ளது.

இது கிரிப்டோகிராபியை பயன்படுத்தி பெரிய தொகுப்புடைய விவரங்களை கையாள்கிறது.இதனால் வங்கி மற்றும் நிதி சேவைகள் போன்ற பல்வேறு நிதி தொடர்பான தொழில்களில் இது பாதுகாப்பான தொழில்நுட்பமாக பார்க்கப்படுகிறது.




Check Related Post:



0/Post a Comment/Comments

Previous Post Next Post